वेल्स – गैर आवासीय नेपाली संघ बेलायत राज्य समन्वय परिसद, वेल्सको सहकार्यमा नेपाली राजदुतावास यूकेको तर्फबाट वेल्स राज्यमा आगामी अक्टोबर ३ का दिन घुम्ति कन्सुलेट सेवा तथा अन्तरक्रिया कार्यक्रम आयोजना हुने भएको छ। कार्यक्रममा बेलायतका लागि नेपाली राजदुत महामहिम लोक दर्शन रेग्मीज्यू लगायत राजदुतावासको टोलिले वेल्समा रहनुभएका नेपालीहरुलाई आईपरेका नेपाली राजदुतावास संग सम्बन्धित सरकारी काम, सेवा तथा सुविधा प्रदान गर्ने भएको हुँदा निम्न मिति, स्थान र समयमा आ आफ्नो काम वा समस्या सहित उपस्थित हुन् सम्पूर्ण वेल्सबासी नेपाली महानुभाबहरुमा सूचना सम्प्रेषण गरिएको छ।
वेल्सभर छरिएर रहनुभएका धेरै भन्दा धेरै नेपाली समुदायलाई यो सेवावाट ठुलो सहयोग पुग्ने विश्वास लिंदै यस महत्वपुर्ण कार्यक्रममा स्थानीय संघ संस्थाहरुको पनि उत्तिकै महत्वपूर्ण भूमिका रहने हुँदा यस कार्यमा समन्वयकरी भुमिकासहित सहभागी हुन् गैरआवासीय नेपाली संघ बेलायत राज्य समन्वय परिसद, वेल्स हार्दिक अनुरोध गर्दछ।
कार्यक्रम सम्बन्धि अन्य जानकारी:
कार्यक्रम मिति: अक्टोबर ३ आईतवार
कन्सुलेट सेवा: ११:०० – १४:००
खाना खाने समय: १४:०० – १४:३०
अन्तरक्रिया: १४:३० – १७:००
स्थान: –
St. Albans Rugby Football Club,
Tremorfa Park, Cardiff
02920496868
बिशेष अनुरोध:
स्याटन्याभ लगाउँदा निम्न ठेगाना प्रयोग गर्नुहोला
82 Whitaker Road, CF24 2RJ (यो ठेगाना गाईडको लागि मात्र, कृपया ८२ नम्बरमा ढोका हान्न नजानुहोला)
यस कार्यक्रम सम्बन्धि अन्य जानकारीको आवश्यकता परेमा सम्पर्क गर्नुहुन अनुरोध छ।
धन्यवाद
गैरआवासीय नेपाली संघ बेलायत राज्य समन्वय परिसद, वेल्स